Revelh en Cimiès.
Da Djé Balèti
Mi drevilhi a Cimiès e sabi pas perqué mas dèvi calar d'aquesta còla per faire un molon de cauvas en vila. Alora coma ai pas basta de temps, viri au caire de la carriera e pilhi la promiera mobileta que vei e cali drech davant de ieu coma un lamp a la vitessa d'una motocicleta. E viri a man drecha, a man seneca. Tot aquò per arribar au pen de la còla.
Laissi aquesta mèrda de motocicleta qu'es bèla mòrta aüra e corri au trambalan lo mai pròch per anar a l'estacion centrala de Nissa. Un còup arribat mi crompi una bilheta. Au bèu mitan de la gara li es un garda dau Monegue que s'en cala dau sieu cavau per si crompar de grata keka. N'aprofiti per sautar sobre lo cavau per fin de tirar drech a Massèna.
Arribat alhà sus la plaça, lo cavau derenat en pròpi s'arresta estrassinat per bèure a la fònt. Alora mi pilhi una bicicleta per faire tirar devers la mar. Segui la grava fins au Castèu, aganti l'escalinada, a pens dau segur qu'en bòn Nissard pilhi ren lo monta-cala.
Arribat fins a damont corri a a la calada e pilhi un surf parrier que lo Capitan Nissa, qu'es la mieu idòla, e mi fau petar la calada sobre lo riu en surf. Arribat a Segurana, tiri drech au pòrt, subli per faire venir lo Passatgin. Aquela bèla figura arriba sus lo sieu ponchut mitològico e mi mena plan-planin au Lasaret per retrovar Culandrina embé l'autra estraça de Bacin.
Fin de l'istòria.
"Capitan Nissa a Sant Ròc" da Edith Faraut.
