Pantai d'Image-Lu Eroi de Nissa
Da Edith Faraut
-Pepin de Nissa-
I. PEPIN ENFAN DE NISSA
Siéu naissut à Nissa, en la calourassa de julhet dòu 1807, souta lou noum de Giuseppe Garibaldi mà cadun sus lou pouòrt mi dihon Pepin.
Ròsa, ma santa maire mi vòu preire, Domenico moun paire avoucat mà lou miéu pantai en propi, despì la miéu fenestra vira sus la mar de la miéu cambra, es de pilhà lou larc.
N'ai 13 sus l'esquina, mi roulhi lou sanc, sus d'un ponchut, fugissi m'ai amic per Gènoua. À pena lou Moùnegue moun paire nen fa agantà e tournà en terra. Testardas ai basta la mar en ment. Ahura n'ai 16, las, moun paire crida seba e mi laissa embarcà couma moussi soubre lou Constanza en la chourma dòu capitani Angelo Pesante.
Adiéu lu miéu parent, miéu fraire, ave signour Arena, mèti enfin vela. Vogui devers l'aventura.
II. EROI DEI DOUI MOUNDE
Ai barounat sus la mar Negra e en Mediterànea.
Mi plason li idea de Mazzini : una pàtria, una repùblica italiana mà lou proujet nouòstre d'insurecioun pica dòu cuou.
N'ai 27 e siéu coundanat à mouòrt, fugissi devers lou mounde nòu mà jamai sensa baià ma maire.
Au Brasiéu m'enamouri de la courajouha Anita, l'Uruguai en guèrra mi souòna, siéu à la tèsta d'una legioun italiana.
Embé de teissut previst ai macelié, fau courdurà per iéu e la miéu armada de belli camiha rougi, lu nouòstre espleit e counquista son cuntat fin en Itàlia.
Es passat temps, en lou 1848, si debanon de grani cauva en lou miéu païs de piech, tourni à Nissa embé 63 baudou prechedit de la miéu frema e lu miéu pichoui.
III. Lu 1000
Crèsi ai ome e au poble mai qu'ai soubeiran, cridi :
"qu vòu ben Itàlia mi segue" e mi seguon fin à Rouma. Anita finda. La regina de la miéu ànima li pleguerà li parpela.
Lou trabuquet de Napouleoun lou pichin a ben caminat ;
Nissa es à França e n'en siéu propi malurous
Esta l'unità da faire e qu de milhour que Vitour-Emanuèu per l'arueisse ? Es lou moumen de pourtà lou fer en Sicilia, mai de 1000 ome s'arecampon à iéu e desbarcon à Marsala.
Lu 1000 devènon 50 000, cadun vira l'esquina ai Bourboun, entri bèu supèrbi en Nàpouli embé la miéu armada.
Lou reiaume de Sardigna deven lou reiaume d'Itàlia.
IV. CAPRERA
La miéu armada es cancelada au noum dei interés superiour euroupenc, m'en vau en la miéu isouleta sarda, en galèra li gijouòla, basta l'acioun per la libertà dei ome m'impouòrta.
Es la guèrra en França, desbarqui à Marsilha e vèni dounà ai Francés cen qu'esta de iéu. Lou segount Empèri a cabussat,
lou pantai s'es realisat, viva Itàlia unificada.
Tourni à Caprera, iéu que cresìi incapable d'aimà, un còu de mai m'enamouri d'aquesta tèrra salvaja e de la baila dei miéu felen. Francesca mi douna tres pichoui.
Ai fet en l'umanità...
- Lo project
Mentre l’annada escolara dau 2021-2022 l’opcion nissard de 6èna dau collègi la Borgada de La Ternitat-Victor foguèt chausit pèr un projèct mandat dau servici d’art e d’istòria de la Vila de Nissa e la DAAC (Delegacion Acadèmica a l’Educacion Artística e a l’Acion Culturala) alentorn dau patrimòni de la Contea. L’objectiu foguèt de produrre un kamishibai, genre naratiu japonés qu’es una raça de teatre ambulatòri dont d’artistas, aquit lu escolans, cuntan d’istorietas en faguent desfilar d’illustracions davant lu espectators.
Pròpi a la mòda en la Contea despí que Falicon es devenguda una enclava japonéa.
La temàtica retenguda : lu personatges de la vida ò pantaiats de la Contea de Nissa.
La tièra de personatges vorgut dai escolans s’es fermada a quatre :
- Catarina la SEGURANA
- Pepin GARIBALDI
- Emanuèu FILIBERT
- Palhon
- Edith FARAUT, una artista engatjada
L’idèa dau principi èra que lu prepaus dei escolans sigon illustrats dai òbras d’un artista.
Edith FARAUT s’esperleca de defendre de causas, aqueli de fremas, de la cultura nissarda...
Lo sieu univers colorat, a la brua dau cartoon, regala una luchada descalada e estimulanta.
Lo patrimòni patisse d’un imatge vielhòt.
Aquit la muòstra es pas pus da faire de la sieu vitalitat e de la sieu modernitat.
