Lu festin

Da Lou Borzoï

Fa caut. Ai una foura de la calou, dei gient fouòra de la Countea

que fan que vení per veire la «French Riviera».


Dounca cad’an m’en tourni en Corsega veire la mieu familha que fa parte de la

« diaspora nissarda » e es coum’aco déspi 10 an.

Segur li a finda dei fourastié aia ma sabon che se fan nimpourta sinque me lou poble indigena o se meton pas li papié en la rementa si pilhon un pastissoun de l’autre mounde.


Ma achest’an sieu pas partit. Ringrassi encàra lou pres de la benzina perche avion o bateu mema guerra se vouòs anà aìa. Aloura m’en sieu tournat faire senque toui lu bouòi nissart deurion faire en l’estieu ;

Lu festin.

Tradissioun de cada païs de la Countea,

lu festin soun una maniera de rendre oumage au sant dòu vilage en lou sieu giou o a una data impourtanta en l’istoria de la coumuna. Es ourganisat per lou coumitat dei festa, che si carga de tout faire, lou consou ajudant souletamen per lou vin d’onour et lou sieu discours… depende dei relassioun tra lu doui entità. Per achelu que counouisses pas. La festa si debana sus très giou. Lou temp d’una fina de semana la plassa dou vilage deven un luec d’amistat, de rescountra e de frairenssa. L’ordre dei evenimen pou cambia ma aven tougiou :

• La messa e la processioun dau sant dou vilage

• Lou vin d’onour e lou discour dei elegit (deputat, counsou etc.)


• Lou concours de botcha a doui o tre jugaire per equipa.


• Lou serra es lou past seguit dou bal m’un DJ o d’un groupe per faire lou baleti

• Un giou per li aubada a la poupulassioun


Acò es lou moumen ch’es lou plus pròpi nissart. Lu jouve dòu coumitat parton de bouòn oura, acoumpagnat d’una timbala, d’un fifre e d’una giourgina, cantà en cada maioun duberta. L’objetieu es d’outenì de pitou per pagà lu musissian e lou material.

Pounch istòricou : a l’ourigina soun lu jouve conscriç que faioun li aubada. Era una maniéra de demandà un sousten ai familhà dou vilage denant de partì per l’armada.


Per ringrassià d’estre vengut cantà li persouna de la miaoun donon un pòu d’argient, e un pichin cau da beure e es pas d’aiga ! Dounca la prumiera maioun es a 9o30 dòu matin sies à la biera. Finisses la darniera à 15o sies negre coumplet à la grappa !

Rendi cuenta de la mieu sesoun : 4 festin e 1 fegie mouòrt. Cadun sercà caucaren coura mounta a un festin. La coumpetissioun, lu amic, la familha, passa una bouòna serada me lu pichoun, balà, cantà, rire, l’amour, si barselà.

Es lou nouóstre ligam soussial lou plus vielh. Aven passat 3 an de merda a ren faire. E porca petant era lounc ! Ai giamai trouvat un’ambianssa coum’achela e sieu fier de dire che sien dei pei per faire festa.

Anà a un festin es un acte militant per manteni la tradissioun e la nouòustra curtura.

Li vau perche n’ai besoun de mi dire que lou mieu enfant pourra li anà après ieu.


 




50 vues0 commentaire

Posts récents

Voir tout