LETRA AI NISSART QUE PENSON PER BEN

Da J.F Marro

Lu mieu car coumpatriota,

La lenga nissarda se mouòre,

---

La curtura nissarda n'un darrié sousper es da boufà lou siéu darrié bram, maugrat la lucha dòu cada jou de quauqu gens, cantaire, poueta, istourian, delegat dòu patrimoni, magistre, president d’assouciacioun etc… (e tout cen que denembri)

E mi dirès « chi se ne frega » (sic) de Nissa, de la siéu Countea e dei nissart dins lou nouòstre mounde gloubal… e nouòstre poudé de croumpà. En cen que fa mestié d’avé dei rais !

Ben segur, troverès li nouòstri acioun en favour de la nouòstra curtura, proun interessanti, mume simpàtiqui, mà fin finala s’en baten ! Noun si fa de mau, né de bousin, sian toulerat da la nouòstra repùblica francesa, vi rengrassien touplen.

Mà quoura si di d’avé dei media en lenga nissarda, d’elegit, dei poulitician d’ànima nissarda (e màncou basta naissut a Nissa) …

(Esistoun encara ?), de faire renaisse una curtura plurisecular…

I a pas pu degun…

Aqulu mume, que si van plourà sus la desparicioun d’un poble, d’una lenga, d’una curtura dòu nouòstre vesin, soun aqulu que noun si van aussà lou pichin det per nous ajudà, e nen van sourtì de mai la vieia spaventa d’un iredentisme nissart pantaiat ;

NISSART, cunta sus de tu, pas de mai, per esistà dòu senoun creperen sensa bousin !

L’ome d’ancuei es troù ric per gardà la sieu curtura, e troù paure, per s’en enavisà.

Durmès ben bravi gens !