La coupa es plena !
Da Jouan – Reinat Lionelli
En lou darrié « peolh » noun poudii m’empachà ,coum’un pichoun, de mi mountà
lou couòl per lou gym, per Nissa, per lu nouosre aigloun !
Nissa en finala de la coupa de França après d’avé sourtit Paris e castigat Marsilha !Un percours maravilhous !
Aquest’an noun ai pouscut mountà à la « festa » dòu fouteballa.Tàntou mìlhou !
Eri mountat à Paris en lou 2006 maugrà tout lou verin e la fanga que n’avion devessat lu journalista fin au president de la Repùblica dòu moument, coura nen mounstravon toui dòu det per la sieu « lucha » countra l’ouliganìsmou !
Devion jamai estre anat en la tribuna dei
« Boulogne boys » parisian (qu’es estada bandida despì lou 2008) o en aquella de Marsilha !Ahì de tant tant cau calà dei loja dauradi e laissà un pauc lou caviar e lou champagna per si rendre counte de sinque es lou foutebala !
Cau sentì sinqu’arepresenta aquel esport espetacle per la gent apassiounada !
A la mountada à la capitala ,per aquella pichina coupa, lou poble nissart s’era desplaçat numerous ! Eravan fier, couma era marcat sus li nouostri scarpa « lou poble nissart en finala » maugrà que toui voulion nen gastà la festa en levant un mouloun de tren o en n’escupant soubre ! Li sien pura anat à pen, en vouotura, en avioun o en bicicleta !!!
Tout sinque dieu pòu estre verificat !De sinque avìa dich lou president de toui lu francès (dei nissart finda ?), Sarko, en passant dai journalista (veire l’emissioun sèt à vuech sus l’ouliganìsmou) fin à la fachenda de la SNCF !
Perque tant d’odi devers lu Nissart, aloura que deviavan jugà ‘na finala countra Nancy ! Aven pas drech à un moument de respect e de glòria nautre ? Jamai ? Lu supourtaire de Nancy, fin finala, venion si pilhà en foto me nautre perque s’eron ennavisat qu’eravan de bravi gen, qu’aviavan ren da veire me sinque nen racavon soubre ai televisioun !
Sien dounca toujou pas francés o pu pauc que lu autre ? Sien bandit de fa festa ? Pouden ren estre respetat couma toui ?
En lou 2006 si sien recampat malurous da Paris ! Aviavan perdut, ma sus lou terren, pas sus d’ un tapis vert !
Aquest’an mai ! Ma qu’aven fach ai dieu de la FFF, d’aquelu que lou king Eric (Cantona) diia ja : « Lu coumissari de la coumicioun de la federacioun francesa de foutebala es clafida d’arleri ». O encà acò sus Henri Michel, lou seleciounur de la chourma de França :
« Veni de liege una cauva de Mickey Rourke qu’adori « aqueu que s’oucupa dei oscar d’holywwod es una saca de merda » … mi pensi que lou Henry Michel n’es pas luen » !
Issa lou king Eric !!!
Denant la finala d’aquest’an la FFF a ren trouvat de pu ben que de nen metre tra li gamba
l’arbitra Frappart me qu lou gym avia, denant aquella sesoun, ja augut très gros proublema fin à un’espulcioun en tribuna d’un jugaire perque aquella babeca si pensava que li avia fach ungest mau entenciounat !!!
La FFF s’es justificada de l’ave noumenada perque es ‘na frema e que pouliticament
marca !
Mi pensi qu’una finala de coupa de França s’amerita lou pu bouon dei arbitre e ren per una decisioun que toca au pouliticament ben !
Perque noun fa gagnà l’Ukraine en l’eurovisioun de la cansoun coura li son ?
Mi pensi que li gen que si sacrifisson e que fan doui mille kiloumètre en doui jou s’ameriton tamben un pauc mai de respect messùs de la FFF !
Una peticioun circulava à Nissa countra lou fach de metre aquesta dama,acò ben denant
lou mach ,es de dire !
Basta la direcioun dòu gym la s’es jugada
« gentlemen »
Passi sus d’aquella finala que n’avia ren d’una ! Nissa bessai s’ameritava pas de gagnà ma Nantes màncou ! Aquelu qu’an vist lou mach auran bessai l’ounestà de lou recounouisse ! Passi sus lou penò à la touta debuta de la segounda mitan, « à la libra apreciassioun » de l’arbitra qu’a màncou demandat l’ajuda de la VAR, talament era segura de la sieu decisioun aquella bùa ! Es pas aisat de trouvà lu filet aloura que lu especialista denant lou còu de sublet de la manda diion qu’aquelu que planterìon la proumiera tècoula (but) aurion squasi la vitòria assegurada sus la marca de un à minga !
Mai un còu demandi en aquelu que son ounest de dire se Nissa s’ameritava,finda, cinq
cartoun jaune countra minga à Nantes e màncou una fauta sublada countra lu canarì !
A Paris lu supourtaire de Nissa si son fach picà e gazat da la pouliça aloura qu’eron pai a à s’asperà per la partença à Sant Denis ! D’unu son estat en garda vista m’un uei miech
arancat da un tirre de « flasch ball » (en francès en lou tèstou) !
Qu n’ a parlat ai televisioun ?
An basta mounstrat en blouca la garouilha en ‘na beguda dapé de la gara de Lyoun à
Paris… aloura qu’eron de manigòrdou parisian e que li eron… minga Nissart !
Sieu triste, finda de veire que cauqu nissart mandon lou bastoun per si fa batre !
La mendre pichina cauva es mountada en esplinga ,deurion lou saupre !
Defet, pu tardi ai parlat me d’amic de la BSN, que mi faion lou reproch de metre la foto d’aqueu mesquin Emilio Salas sus la mieu pàgina Facebook en oupousicioun à la coufa qu’a fach una manada de « supourtaire » de Nissa de la sieu « brigada » !
Darrié d’un « capo » (ai propi de mau m’aquella apelacioun) an repilhat, da nautre, una
« cansoun » vergougnouha sus d’aqueu paure jouve que la sieu mouort avia rutat lou mounde entié!
Capissi que l’aven propi marida despì la fachenda de la finala, ma de tant tant « cau avalà
amar e escupì dous » coura si toca ai mouort !
Pareisse qu’era d’umour ! De marit gust mi pensi !
Lou foutebal club de Nantes es en ren respounsable de la nouostra fachenda !Si serian
pilhat, nautre, la coupa parrié à la sieu plaça !
En mai d’acò li es toujou una familha que si
ploura lou sieu enfant de l’autre coustà dòu mounde, en Argentina !
Ben segur sien pas toumbat dacordi tra nautre ! Fa pas ren ! Sieu d’una autra época ! Ma mi pensi qu’acò noun arange lu nouostre afaire me lou marrit image que s’estirassen !
Bessai aquelu qu’an cantat son aquelu que n’an fach perdre quatre pounch ! Ahì quatre !
Aqueu levat da la FFF, lu doui de mai que deviavan si pilhà countra Marsilha perque
menavan à un quart d’oura de la fin dòu mach qu’es estat fin finala à tournà jugà… e finda
aqueu que si sien partit me lu marselhes m’au mach nul qu’a acabat aquella fachenda !
Pouodon toujou ahura piquà soubre l’adrestaire dòu gym, Galtier, qu’an adulat denant la
partença per Paris !
Per sinque mi toca es finit lou foutebala e lou sieu cinemà ! Finda la sieu coupa dòu mounde climatisada que n’aspera aquest’iver au Qatar, maugrà la chourma doun juegue
lou talentuous Mbappe, que lou pais qu’arepresenta nen mouostra lou sieu pu grand
mespres, despì toujou, à nautre Nissart !!
En galèra aqueu foutebala doun mi retrovi pu ! Regreti lou temp de Diego e dòu king Eric, aquelu « marit » garçoun qu’avion de piech , que n’embarlugavon que m’an fach tant pantalhà.
Ahura Basta ! Per ieu,la coupa es plèna !
