GIGI en barona... per sempre

Da Gigi de Nissa



N’ai anada 80 la tòca era de viatjar. Viatjar d’accòrdi, ma pas en viatge organisat, viatjar en viatge desorganisat.

Avia mai un perfum d’aventura, de desconoissut .

L’època era pas la mema. Nautre enfan d’ovrier, de pichins emplegats, pichins foncionaris eravan segur de trovar de travalh au retor, alora manda ! Tamben, podiavas ganhar de sòus d'una maniera decenta .

En 4 mes gagnavas l'oportunitat de viatjar 5 mes !

Avii audit parlar de gens que calavon de Nissa fins au Benin per vendre una voitura e m’aquò ti financava tot. O era pa per gagnar de sòus, era solament per viatjar a gratis.

Alora mi sieu pantaiar de lo faire.

Ancuèi maluroament si pòu plu, li luecs dont passavi, son esquasi toi en guerra.

L'idèa era de si crompar una 504 d'occasion (ma en buòn estat) per arribar davau en 3 semanas de rota per la vendre.

N’avii trovat una bella blua.

Calia que sigue una buona afaire , li era 6000 kilometres da faire, mé 1500 km en lo Sahara !

Fau una revision, crompi de camia n'ai "Surplus" de Nissa a revendre per camin (per mi paga la benzina), en avant !

M’en cali a Gènoa, pilhi un corneto de melet friti e vòga en lo batèu per Tunis.

Sus d'aquèu batèu ai lo drech a 2 botelha de wiski que venderai ai tunisians o ai argerians que n’an envuèia – Tunis, Nafta e zou !

El oued en Argeria, es pas lo plu bèu tròç dau viatge.

El oued, Touggourt, en fin Ghardaia e li sieus vilatges blus, barrats ai estrangiers de nuech ! Alhà cambi li camias per de pneus que puòrti a Niamey o Parakou.

Ghardaia era pròpi un bèu luèc ai puòrtas dau desert.

Mi fermavi cauqui jorns, lo temps de repinta la voitura (qu pinta vende) e manda ! Direcion lo Hoggar, Tamanrrasset, la traversada au mitan dau nada .

Luèc meravilhós, viatge imoble en l’abitacle, da solet a menar, a pantaiar sensa parlar.

Solet a s’arrestar, a durmir , da manjar n’una voitura bomba de besina e plena d’aiga.

Lo plus bèu era lo silenci cora la nuèch s’en cala.

Avant d'atacar aquela traverssada cada voitura, cada camion faia 3 giros d’un marabout, sorta de maoin de Sant, coma s’en trova sus li camin da montanha en per aqui. Per estirassar la buòna fortuna n’ aqueli raça de viatge.

Ma puòdi ti dire que traversa aquèu desert es quauquaren !

Au bot l’impreccion d’arribar en Àfrica en Agadez, Agadez privatisat per Areva, ancuei zòna de guerra per li minas d’uranium.

En 81 si sentia ja, que faia pa buòn d'estar d’aquèu costat – interès energèticos, òme blus sensa territòri reconoissut , espaci immensi sensa degun.

Passat Agadez, Niamey dont mi tranformavi en mercandon de pneus (3 o 4) e la fin dau mieu viatge mé la 504 ai alentour de Parakou au Benin.

Après Taxi brousse per comença lo retor, direccion Ouaga dont li era una linha d’avion charter buòn pati que ti portava fin a Lyon.

Ouaga, dont li era tota sorta de religions que coabitavon sensa problema; de glèias mé de mosquèas e darier tot acò li religions anemistes africani.

"Haute-Volta" era lo nom donat per lu francés, ancuèi si suòna Burkina Faso (en Mossi, païs dei omes integres) nom donat per Tomas Sankara tuat un pauc coma Lalin*.

Et voui , lo viatge si terminava alhà au païs dei omes integres per m’en torni a maion, au païs dei flors.

Ma es ver­­, per nomar aqueli luèc fin a ancuèi, podes pas cambiar la nomenalha.

A Ouaga serà jamai lo pais dei flors, manca tròup d’aiga e si parlen de Nissa...


*Choa Fulconis dich "Lalin". Barbet sagatat dai francés a l'Escarea en lo 1797.



 



27 vues0 commentaire

Posts récents

Voir tout