Gigi en barona... a Sant Ròc
Da Gigi de Nissa
« Lo peolh revengut » a mandat lo sieu grand reporter Gigi de Nissa,
si fa un’espedicion damont a St Roch, la sieu mission ?
Regarja se si passa encara caucaren n’aqueu quartier .
Lo nuòstre Gigi, pichin enfan de la vielha villa, li es anat a pen e m’una certa aprension, sabia pa cinque anava cerca ! Per fortuna, Barba longua l’avia orientat :
« Quora seras aia, ti cau parla mé caucun dau Carnevale ! »
Uros d’aver la sieu mission clarament esclarcida, Gigi apres 20 minuta d’une buòna caminada, arriba sus la plaça, a costa de la gleia, don 4 merchandon de tomati èron da si gelar li tentifla . Per camin avia preparat lo sieu còp .
« Vau trova Pastorelli e lo fa parla , va mi facilita la vida ! Basta da mi dire cinque repeta despi trent’an e fai tira ! »
Dacòrdi, ma don es que lo puòdi trovar ?
N’au Hangar St Roch ? En plaça li a un « palais des glaces » , e en plaça de la Tranquillite, una maion de 7 plan ! Alora, don es anar picar ? Don es que pòu s’escodre, lo baudo ?
Camini , Camini… Per carriera, de vielh mascarat, bessai si penson qu’es ja Carnevale ?! O alora van ataca una banca ?!
Cerqui, cerqui.. e en passan n’un carrieròu, cali sobre d’un vielh clos de boccia
« La machine ». Duerbi la puòrta e la seri sus lo cop per non laissar scapar li ratapinhata que giravon aia dintre. En la buveta, una manada de figura escapada dau temps que Berta filava. Néné dau Mercat assetat a la taula d’ònor, si faia petar un cassolet, fresc sortit d’una boata en ferre don li era escrich Toulouse . A costa Pépé jugava ai carta . Fernan, coma cada matin s’esperava d’estre ric en si gratan m’una pessa de 2 euros un juec de 4 euros - Darrier lo bar Fredo , maistre de ceremonia, es eu qu’avia fa scoffa la boata, si buvia un gòto de rosé mé de siròp, e, esparpaiat ai 4 canton d’aquela capela, d’autri fedel mut s’esperlecavon, qu m’un cafè, qu m’una biera , qu m’ una momineta. Assetat a costa de l’escaufa-pansa , sota la fenestra Pastorelli provava de si liege lo jornale m’una lopa . Es pa qu’avia pau de manca una linha dau Nicematin, non . Li veia propi ren, ma volia saupre cinque Nissa avia fach. Cenque avion fach, per dire la verita, lo sabia, lo sabia parque s’era ja vist lo match , ma .., cercava una … confirmacion.. d’estre segur que la vos oficiala era d’accordi m’eu.
M’aquela lopa, una soleta solucion, ana diretamen a « l’essentiel » lo resultat dau match, vist que, per lo rest , cada jorn era la meme caua .
Pastorelli a respondut sus lo còp ai question dau nostre reporter . Avia ja audit parla de Gigi e conoissia ben li sieu canson . Gigi comenca a li presenta lo jornal.
- Que drole de nom ? Ven dau Cours saleya o dai alentor d’en carriera Bosio ?
- Non , non , ven d’una fiolança embé lo mieu mestre Néné Anfosso , immens falabrac davan l’eternel , l’as conoissut ? Damon, ahura es soci mé lo Berger , ti di caucaren ?
- E Segur, dau buon !
– Alora , tornen au sojet, v’ai prepara un’entrevista !
- Perque aves fach un Carnevale ?
- Parque ? Parque n’aviavan una forra de non pode participa ai caua , si podia ren faire, minga luec per nautre en villa . Aven posqut faire Carnevale aqui , parque de St Roch s’en bation. S’en son manco anavisat, an laissat faire . Lo nostre travalh a pilhat lo sieu valor mé Carnavale, aquel’ obra collectiva e populara. L’aven fach per nautre, per ave una festa que n’en semblava , una festa que portava la vida . Es pas esta facile, ma aviavan toi enveua . Cora dii toi, parli de nautre ( Nux e tutti quanti) e d’un molon de gen de St roch. Calia pa si manca , sempre es dificile de faire caucaren davan la tieua maion, cadun ti conoisse !
Carnevale si fa per carriera, basta un luec per fabrica lu carri o de grossa testa , per si reuni. L’aviavan, era lo Hangar . Alora si siem toi mes à l’entorn de Carnaval, toi unit per l’enveia de lo faire e de mostra qu’erravan capable! Coma era beu lo nostre Carnevale !!
Cau parla finda dau final . Lo mai difficile es termina. Aven augut la buona fortuna de trova un luec coma la Tranquillite don l’ome de barra era J Pierre Fiorentini . A propi participa a la reussita e o pantai d’aquela festa. Cadun sabia cinqu’era Carnavale, lo
sieu passat, era famos e encara fabulos .E cora l’aven fach sorti , a retrovat li sieu colo, era fier n’aqueu bolevard, montava calava, li gen si metion au barcon per veni lo veire, era vengut fin aqui en lo quartier, a St Roch !
Aquela banda de falabrac que travalhavon n’aqueu brut hangar escur, mé l’enveuia, lo travalh, lo pantai, son arribat a lo faire viure, fuora dei flonflon d’aqueu dau Géneral Masséna barricadat en la sieu placa qu’a tradit Caramentran e vendut lo sieu espirit ai peolh revengut. Predica, predica !
Ve ! m’ai una, se vuos , ai garda un
registramen d’un dei promier, ! escota !
« Faire Carnevale a San Roch, ah ! propi ! es un « exploit », un pantai !
Eravan pas totplen e lo bolevard es grand !
Avèm pilhat una carcassa de 204, per la trasforma n’un cavalié ! E manda lo promier Carnevale de St Roch !
Sorten dau Hangar - Era diminche , lo diminche l’i a degun per carriera a St Roch – Viren direccion « le petit stade » fen un giro au mitan dei HLM , li gent eron toi au barcon .
Lo carri avia basta 3 ròdas que ròdavon, volia pas avança !
Tira, estirassa, possa, possa , tira ! Pica m’un tambour e canta una canson ,e sièm revengut au Hangar, aia a costa de la placa ! Coma tot aco s’es fach sensa beure un còp, alora sièm ana a la Tranqui. pilha un goto mé J P . »
M’en avisi finda d’una declaracion dei Nux !
«Nautre, enfant de St Roch li sièm arribat ! L’aven facha aquela fanstatisca festa m’ai amic, familha,vesin, m’ai d’autri quartié, m’ai falabrac, embarassa camin, pantai, amoros, joios en la vida e a maion, m’ai farabustiés, amic d’enfanca, ratapinhatié, Gobi, fier coma des bar tabac, alegre coma de cabrin, banda Nux, banda pas Nux, sièm arribat bessai A 1000, 1500, 2000 n’aqueu bolevard.
Pas mai !
Sièm pas de conta bala ! Ma dau buon ! Erevan un molon ! un molon a si faire Carnevale. N’en mancava aqueu brut Caramentran ! L’avèm camalat, estirassat, adorat e cremat ! Si siem fach cenque aviavam pas lo drech d’aver.Degun podia lo faire per nautres e an pas augut lo temps de dire non !»
- Vees, es coma aquo , quora vive Carnevale s’en torna cadan , es jamai parié, jamai lo meme, cambia e tan en tan , cora n’a una forra s’en va visita un autre luec. Cau aver la flama per poder lo crema !
Aquela istòria s’es acabada mé l’entrevista e tota li sieu question .
Tot a n’un còp si siem decidat a demanda a Fred si faia da manjar...
En lo pròssimo numero vi diren se Fred a vogut n’en faire da manjar...
A vito !
