CARNEVAL e RECETA d’AIÀ

Da Ludivina Lavagna


Lou Carneval d’Ivrea e la siéu batàia dei pourtegal es propi la festa que fa descurbì li tradicioun loucal. Anen a la descuberta dei mai bouòni receta dòu Carneval d’Ivrea couma per esemple i faseuj grass, la polenta e merluss o la polentina d’Ivrea.


 


 

Mà en premié cau faire un brèu rapel istòricou. Counouissut en lou mòndou entié per la siéu batàia dei pourtegal, es propi un evenimen ùnicou per la recoustitucioun de la batàia gagnada dalla fìlha d’un mouinié. Aquela soustenguda da la revòuta poupular, que si rebela contra la voulountà dòu baroun loucal que voulìa faire valé jus primae noctis, lou drech de la premiera nuech.

Ensin, cad’anada, emé lou carneval, la coumunità d’Ivrea chelebra la siéu capacità de autodeterminacioun.

Couma cunton lu istòricou d’Ivrea, l’erouìna de la festa es la moulinièra, au cousta dòu General, que despì 1808, a da garantì un bouòn desplegamen dòu evenimen, mé lou siéu estat-majour coumpost de ouficié da cavau e cantiniera.

Pi n’i a d’autri persounage que fan part de l’escorta couma lou soustitut gran cancelié (Sostituto Gran Cancelliere) que es lou garant de la libertà citadina, lu Abbà que rapresenton li paròquia, lu drapèu dei quartié (Rioni) e lou group dei fifre e tambour (Pifferi e Tamburi).

En la batàia, lou pòble es rapresentat da aranceri, dei tiratour à pen que coumbaton à còu de pourtegal contra li armada dòu feudatari rapresentadi dai tiratour sus lu carre tirat da cavau.


Per aquel’ oucasioun, noun manca la gastrounoumìa mé li receta tìpicou d'aquèstou bèu evenimen : lu Faseuj Grass (faiòu) e Polenta e merlussa que soun distribuit en li plaça durant la manifestacioun.

En lou Canaveis, segoun la tradicioun, lu faseuj grass soun preparat dins li tofeje, rechipient redoun mé quatre manada. La cuècha es longa e es facha en lou fourn à lègna.

Couma toui lu past de la pauràia, n’i a pas de receta tìpou ma esiston touplen de versioun. Cen que vi prouponi es la receta antica mé pen, coudena e saucissa (salamella) de pouòrc.


Ingredient per 4 persouna :


- 250 grama de faiòu sec (tìpou borlotti)

- 4 saucissa (salamella)

- 250 grama de coudena de pouòrc

- 2 pen de pouòrc

- 1 ceba

- 1 ramilha d’àpi

- 1 douòssa d’aiet

- 2 fuèia de laurié

- 2 fuèia de sàuvia

- 1 pel de roumaniéu

- Sau

- 4 culherada d’òli d’oulìva

- Ferìgoula

- Nouòe muscada

- Pebre

- 2 culherada de councentrat de toumati (facultatiéu)


Faire cuèire toui lu ingredient en la tofeje a circa de 3 oura à pichoun fuec en mesclant de còu que li a.


L’alestimen de Poulenta e merlussa es dau bouòn un evenimen que dura 9 jou : durant tout lou perìodou de lou Carneval, 50 voulountari fan 3 journada de 8 oura per couhinà 900 kilougrama de bacalà, 1000 kilougrama de ceba, 600 litre d’òli, mai que de 70 litre de sauça e 1300 kilougrama de poulenta.

Enfin, per finì lou viage gastronòmicou en lou Canaveis, vi prouponi de descurbì la Polentina d’Ivrea. Es un dessert tradiciounal creat en 1922 dai fraire Strobbia. Es un pastissoun fach de farina de gran de turc, mèu e jus de pourtegal.


Per alestì aquèu dessert, cau :


-farina de gran de turc

-fècula

-rous d’òu

-sucre

-burre

-un chìcou de gruèia de limoun

-mèu

-jus de pourtegal

Mesclà la farina, la fècula, lou sucre, un chìcou de gruèia de citroun, lu rous d’òu e lou burre fin que si augue un mescle oumougèneou. Versà tout dins una forma per pastissoun e enfournà per 35 minuta.

Quoura es cuech, cau bagnà lou pastissoun mé un sirop de mèu e jus de pourtegal.

Bouòn proun !





90 vues0 commentaire

Posts récents

Voir tout