Caga-Blea

da Dàvi Assas-Silveri


 

Coma lo cantava Choa Barberis, lo poèta e jornalista Garibaldin, en lo 1850, la blea pèr lu Nissards que siam puòrta lou pompon !


En pròpi ! Talament que d'una nomenalha dei Nissards es "Caga-Blea" pi ! Es ver qu'aquesta planta fa mestier pèr un rup de recèptas da la coïna nuòstra mas en-delà d'aquèu fach culinari, es tot un ment que va emb aquela cosina de la "blea-raba". Es tota una poblacion que si va ordonar darrier aquèu liume totèmico. Lu Fedèls, lu Supèrbis, lu Segurans si reclaman de la blea e pi pas mai ! E aquò torna mandar a cen que foguèron li gents de la Contea e de la sieu capitala fin finala. Dei bugadieras, dei païsans, dei pescadors, dei mesteirants... Ben aluenhat de cen que son da nen vendre au jorn d'ancuèi emb un esfuòrç ciclopean d'escafar aquel imatge. Tot aquò fa ren part de la postalina e après la plana marítima, aüra es l'ora dei cuòlas bordanenqui e de la plana de Var d'èstre negadi sota lo maron grisat dau betum, dau quitran...

Alora anatz-vi dire : "es da si drevilhar basta aüra aquèu !". D'unu vi diràn qu'es bèu cuech, bulhit, finit pi ! Bessai... Ieu ai totjorn l'espèr de quaucaren. Sai ren de que mas l'ai ! A l'imatge de la blea soterada d'una "Eco-vallée", la lenga s'es pilhada lo retorn de ceguinhòla en lo morre. En-delà de la lenga qu'es dau segur lo pilastre major, es ben la cultura nuòstra qu'es pilhada en ostatge d'una manada que vorrian nen faire creire da l'uniformisacion dau Nissard. Li es basta da veire de cen que fan m'ai Mais ! Una raça de "Disneyland" negat sota cotilhons e beretins. Es pas pus possible de renegar la volentat folclòrica de mai en mai presenta. Coma se li siguèsse la soleta rapresentacion de la cultura. La delegacion lenga, tradicion, e sai manco que encara, fa mestier basta a la lieta política de la comuna e doncas lo folclòr es lo mai rapresentat. Es un fach ! Tornerem pastrolhar de l'ajuda prevista dau buòn ai associacions e ai eveniments ligats da la promocion e la valorisacion de la lenga. Pèr lo moment podèm ren dire vist que vesinam lo non-ren e que de mejans non cau asperar de tròup ! Mas en buòn Caga-Blea calinham de merlussas sabètz ! Li siam acostumats...


En aquèu Peolh revengut terça edicion es emb un personatge intrat en la cultura populara qu'anèm viatjar e provar de pantaiar. Tòca promiera d'aquèu projèct. Es m'au Capitan Nissa e la sieu plancha que proverem de s'escapar un chícol e de fach pastrolhar de tot e de ren. Pèr fins de si passar lo moment dau temps, pèr la si faire buòna a Bellanda denant de tornar cabussar en la realitat.


Gràcia dau vuòstre sosten e a ben víto.



 

- P.2 : Caga-Blea da Dàvi Assas-Silveri - P.3 : Lo Pikachu e Hello Kitty Li faulas de Tanta Tomiko da Felip Del Giudice - P.4 : Gustou-Dòlfou Mòssa. III. Sourtì de nissa pèr la tournà inventà da Bastian Cagnòli - P.5 : Emiliano Souta l’aiga da Lou Borzoï - P.6-7 : Entrevista e amploada : Nicòla Fiorucci & Pacau Colletta - P.8 : CARABATTA - Episodi III da Miquèu de Carabatta - P.9 : GIGI en barona... m'au capitan nissa da Gigi de Nissa - P.10-11 : Garderem lo tren dei pinhas ! Entrevista de Julien Fiore - L'eroi dei doui mounde da Alessi Braus - P.12 : Gent d'aquì - Pèire Grilli, lou pouèta aviatour da Ludivina Lavagna - P.13 : Adiu barraca ! Da Dàvi Assas-Silveri - P.14 : Garderem lo moral ! Da Matèu Blas - Santa Capelina da Edith Faraut - P.15 : Lo mago da Gabrièu Pelisson - Setença ilustradi da Jade Bardsfield - P.16 : Qu aspera si desespera da Patrici Arnaudo - La trocha da Richard Cairaschi - P.17 : Viéure en Azerbaïjan­­­­_Episodi I da Jennifer Baret - Revelh en Cimiès da Djé Balèti - P.18 : La coupa es plena da Jouan-Reinat Lionelli - P.19 : "Lo projèct caòs" de Dàvi Assas-Silveri






 


63 vues0 commentaire

Posts récents

Voir tout