top of page

Bicolin­­

Da Djé Balèti


Lo Djé Balèti es un Nissard que viu a Tolosa despí manti annadas e n'i a de jorns dont la nostalgia dau païs nissard li reven en plen morre. Alora, per si passar la babaròta, Djé parla m'au sieu amic Tòni lo Tolosenc dai sieus sovenirs nissards, mas, lo problema es que n'i a totjorn un mòt que lo Tòni capisse pas perqué si ditz ren a Tolosa. Alora es l'ocasion de l'espligar...



Ancuèi siáu a Tolosa e vau ti dire una caua estranha, mi manca tan Nissa la Bèla qu’aurii meme plasir a mi sentir sonar « bicolin » !

- Bicolin qu’es aco bicolin ?

- Oh paure de ieu, paure estrangier que siáu, ‘be lo destin crudela de tot deure esplicar ! Bicolin es una manièra afectuosa de sonar caucun, ai antipode de la societa de consomation d’ancuèi. Ahura, o de rif o de raf, tot deu èstre gròs ! Mai ! Totjorn mai ! Hyper, extra, 5G ! Au contrari d’acò, i a una votz tendra que ti sòna « oh bicolin » e acò ti fa plasir ! Es L’amistança, la familha, lo lach de la tendreça umana !

Bicolin l’as acapit, es un bícou, ma pichon !

- Cen qu’es un bícou ?

- Oh vau pas tot dire aquit, auceu ! Ti cau bolegar un pauc lo teston, bicoulin !


 

Cora babaròta mi manja la testa

Coma lo senior Francisco Vila­­­

Mi pensi de pichoni cauas

Que mi rende urós e mi fan rire

Que mi fan creire a l’amistança

E mi secon lo chagrin

Alora mi reven en ment

Lo temp benedit

Cora i avia caucun per mi sonar bicolin

Viva l’amistança !!!


 




57 vues0 commentaire

Posts récents

Voir tout
bottom of page